احلام للبيع ..!!

حلـم بلون السما والبحر
حلـم أمان .. وسط الأحزان
يمسح كل دموع القهر
حلـم يدارى ملامح وِشَّك
لـو يوم غَشَّك..أغلى حـبـيـب
حلـم يطَيِّب فيك الجـرح
احلى كتيــر من ألفيـن سحـر
حلـم يســافر بيك ويطَوِّل
لو يوم رُحتْ تجيب المَهْر
مَهْر حبيبة بتشتاق ليها
وهى فــْ عينك ...أكْمَلْ طُهر
مـيـن قال عايز مِن دول حِلْم..؟!
مـش عاجبين..!!
موجود غيرهم..وادى الليستة:
حلـم بصاحب مش بيخون
لو مخنوق ..يبقـالك عون
لو متْعَصَّب برضه يشيلك
مليون موقف مش هتهون
حلـم بطِيبَه ونبع حنان
مِتْفَصَّل لأُمك وأبوك
ليهم بس تكون نظراتك
واِهْدِى الحلم كمان لأخوك
يبقى معاهم لو يوم تِبْعِدْ
إرضيهم زى ما رَّبوك
وادى كمان أروع أحلامى
دايماً بيدَوِّب أحزانى
لما بشوفه../ بلقى دموعى تسيل على خَدّى
واحس بإنى فــْ أحلى حياه
هو حبيبى رسـول الله
لكن حلـمـى مهـوش للبيـع
أصله خساره..
فــِ النفس اللــِ بسـؤ أَمّارَه
مابتستاهل..
اصلُه كمان مايجيش بالساهل..
بس نصيحه..:
خليك شاكر نعمة رَبَّك
تلقى تراب الأرض يحبَّك
والأحلام..
والأحلام من بعد سوادها..
تتذوق..وتعود نَّوَارَه