عمرك حسيت انك مظلوم اوى تعبان اوى بتتألم اوى ومش عارف تعمل ايه.. عمرك فكرت انك اد كده ضعيف وملكش حول ولا قوة ؟ مخنوق مضايق زهقان .. بس مش عارف تعبر عن كل ده ازاى ؟
عمرك دورت على حد تحكيله تفضفضله يسمعك ويحل كل مشاكلك؟
عمرك مشيت فى الزحمة والعربيات والناس رايحين جايين وحسيت انك مختفى بجد او يمكن انك هوا او خالص مش حاسس بنفسك ؟
عمرك حسيت ان كل شىء حواليك هلامى ومش واضح وانك جزء من دايرة كبير مبتنتهيش؟
عمرك قلت ياااااااااااااااااه من زمان معيطش مبكتيش من زمان وقلبى جامد اوى .. متحجر ومش عايز يتوب
عمرك عديت على ناس كتير وزحمة كتير وقلت يا رب السنة دى تنولنى رمضان
يا رب طول فى عمرى بس اصوم رمضان .. عمرك نزلت منك دموع الشوق لرمضان ؟
لايامه للياليه؟ للسفرة الجميلة والفطار اللى بيجمعنا وقيام اللليل اللى بينعم قلوبنا وبيخليها ورقه ويخلصنا من ذنوبنا ويقربنا من ربنا ؟
عمرك قلت انا خلاص مش قادر اتحمل ؟ انا جبت اخرى بس بتقوم تانى وبتقف تانى وبتخاطر تانى وتتعب وتقوم وتقوم وتستمر؟
عمرك فكرت فى الناس على انهم انت بيحبو ويكرهو ويفرحو ويتعبوا وليهم تقريبا نفس سيستم حياتك؟
عمرك فكرت شوية تكو ن انتا بجد وتسيبك من متناقضات نفسك اللى مضيعاك
عمرك قلت كفايه ظلم بقى كفاية غيرة بقى كفاية حياة مزيفة بقى .. مش قادر اعيش فى الجو ده .. نفسى فى عالم نضيف او على الاقل انضف من كده شوية
عمرك مرت عليك اوقات .. بلمت.. ايوة بلمت سكتت وخلاص ومش عايز صوت مش عايز تسمع حد غير صمتك ومش عايز من اى حد غير انه يسيبك فى حالك والسلام
عمرك حسيت بدماغك انها كوره منفوخه وفاضية ومفيهاش اى شىء بيعبر على انك عايش .. بتتنفس .. على انك جزء من العالم ده؟
عمرك كتبت حاجات زى اللى بكتبها دى وانت عارف اوى وحاسس اوى ان كل حد هيقول اه انا بحس بكده وكلنا بنعيش ده فى وقت من الاوقات
من طرف 
موضوع: عمرك حسيت الاحساس ده؟ 
