الشاعر فارس الصميدان



صلى الله عليه وسلم




واجب علينا لك نقود المسيره

بأسمك نعز الدين ونعز الاسلام

نبينا سبوه ناس ٍ حقيره

يستحقره بالسب عبّاد الاصنام

جتنا علوم ٍ كلبوها خطيره

والامر كايد والجفن مابعد نام

اللي ربى بين البقر بالحضيره

سب النبي المصطفى قال رسام

وحنا جيوش وامة ٍ مستخيره

لو قلت للطفل استعد قال قدّام

لكن نذوق الذل ونقول خيره

ونقول باكر والوعد عد الايام

لا فيه لا عزه ولافيه غيره

وياكثر مانبني طموحات واحلام

نرجي من الله كل مانستجيره

الله اكبر مابنا شخص ضرغام

من وين نخفي الهم والهم ديره

لو ينكتب ماظن توفيه الاقلام

من كل صوب امة محمد بحيره

متفرقه لو انجبت الف علاّم

يقودها شارون ويا حميره

الذل ماهو بس من اول العام

يعني تعودنا لحمل الكبيره

اقصد كبيره بالقصايد والالهام

والا لحمل السيف عند المغيره

ماظن تلقى واحد ِ شهم لاقام

الا رجالا للقى مستثيره

لنصرة نبي الله يقدون الاقدام

كانت كبيره جد يعني كبيره

ولاظن به عزه بعد ذل الاسلام

good