ههههههههههههههههه
شكرا يا فاطمه
موضوع جميل و منتظرين البقيه بتاعه عمنا حنفي

راجل رزل ومقفلها اوييييييييي

ايه الراجل ده الله يحرقه ده راجل تيييييييييت
مستني اشوف الاجزاء التانية اوك يا قمر
___________________________
شكرا عالموضوع

شكراااا لمروركم يا جماعه خدوا الجزء التانى بقى



الحلقة الثانية : فى الشارع
(حنفى ماشى فى الشارع بسرعة فخبط ست معدية بكتفه )

الست : حاسب يا حمار
حنفى : ايه قلة الادب دى ؟ ايه حاسب دى ؟
الست : موش تفتح وانت ماشى بدل ما تخبط فى خلق الله كده
حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟
الست :على فكرة انت قليل الادب وموش محترم
حنفى : ياسلام ياختى محسسانى انك انتى اكتشفتى حاجة جديدة يعنى
الست : يعنى انت ترضى تعمل كده مع أختك
حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده
الست: لا , واضح انك موش عايز تجيبها البر
حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة
الست : أنا موش هارد عليك لان مستواى وأخلاقى مايسمحوليش انى ارد على واحد زبالة كده زيك
حنفى : قولتلك بلاش قلة أدب ؟ ايه زيك دى ؟
الست : روح ياعم الله يهديك
حنفى : ماشى ياختى الله يسهلك الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن

(وبعدين يسيب الست ويكمل طريقه فى انتظار مشكلة أخرى )

هههههههههههههههههههههههههههههههههههههههههههههه
ايه المواضيع الجامدة دى
لا بجد جزئين حلوين اووووى
تسلمليلى يا طمطومتى