يا أمه ضحكت من " فيس بوكها " الأمم !!

بسم الله الرحمن الرحيم
والحمد لله رب العالمين
والصلاة والسلام على أشرف المرسلين
سيدنا ونبينا وحبيبنا محمد - صلى الله عليه وسلم -
وعلى ال بيته وصحبه اجمعين
اللهم امين

.......

تعالت فى الايام القلائل الفائتة صيحات مقاطعة الفيس بوك يوم 24

فى بداية الامر صراحة ماكونتش عارف ليه المقاطعه دى ليوم واحد .. قولت
يمكن ذكرى مأساوية لحدث ولا حاجة واهى الناس واقفه جنب بعضها ...

لكن فوجئت بأن ما يقال ان الغرض من مقاطعة الفيس بوك فى هذا اليوم هو إغلاق الجروبات من المسيئة للإسلام

عجبت لك يا زمن وعجبت لكم يا أمة

للمرة الاف نضع رؤسنا فى الرمال ونأخذ موقف المقموصين الذين لا حول لهم ولا قوة

وبدل كنا نعمل جروبات رد على الجروبات دى او نبعت ناس تكلمهم وتوضحلهم سماحتنا .. لا

كالعادة نأخذ موقف المستضعفين دائما والمنبوذين وعديمى الحيلة .. ومعلش

مش فالحين غير نقاطع ونعيط .. كلها مواقف سلبية .. مافيش موقف واحد بيدل اننا بنعمل حاجة

لا .. كل اعمالنا امتناع .. لاننا مابنقدرش نعمل اى حاجة وللأسف .. !

طب طالما انت واخداك العزة والكرامة اوى والنخوة .. ما كنت قاطعت الفيس بوك كله بقى ..

...

أضحكنى من التفاهة.. وخنق على انفاسى من السذاجة .. احد إعلانات الفيديو عن المقاطعة المنتشرة على الفيس بوك ومدوية ..

ان الاخ كاتب

.. نحن نقاطع الفيس بوك من أجل الجروبات المسيئة للإسلام ..

.. واننا سنقاطع ليوم واحد فقط ..

" ليه بقى يا خويا " ؟

.. لنثبت للعالم اننا لسنا مدمنين على الفيس واننا نستطيع ان نقاطعه ليوم واحد ..

الله اكبر يا عم الشيخ .. يا جمالك يا حلاوتك .. لأ معلم وابن حنت

بقى احنا هانقاطع الفيس بوك يوم واحد علشان نثبت اننا مش مدمنين

مش 3 ايام بلياليهم يعنى .. ولا 5 بالفطار والعشا

...

الظاهر ان اللى كان محدد المقاطعة على اساس يوم واحد كان جاى على نفسه اوى

او البت بتاعته ماكانتش داخلة اليوم ده ..

او كان وراه سفرية لساحل العاج يجيب ام الخلول
....

طب طالما انت خايف على دينك اوى كده .. كنت بحبحها يا راجل شوية
...

ناس هاتيجى تقولك ما الجروب اتقفل والعملية نجحت ..

اقولوهم مش مكسوفين على نفسكم اننا كمسملين مش عارفين نقفل حته جروب غير لما نعمل حمله ومقاطعة واعلانات وايميلات وحوارات

يا لهوى .. يا هوانا على الناس بجد

لأ والناس شغالة هتافات فى المنتديات ولا اللى فتحو امريكا
هو ده النصر بتاعكم
يا حزنى على الغزوات و الفتوحات

...

يا شباب احنا فعلا عاوزين مقاطعه .. ومقاطعه كبيرة وصارمه ..

بس عارفين عاوزين مقاطعه لمين

مقاطعه لأفعالنا وتصرفاتنا وبعدنا عن الدين وعن الاخلاقيات

عاوزين مقاطعه لفضايحنا على الفيس بوك وعلى غيره .. وعلى كلامنا الهايف .. وعلى اسلوبنا المبتذل

عاوزين مقاطعة لسذاجتنا وتخلفنا .. وعاوزين مقاطعة للشباب اللى داخل الفيس بوك همه انه يتعرف على بت والبت اللى همها تتعرف على واد

الناس دى استخدمت الفيس بوك لتحقيق مصالح كتير

واحنا بردو بنستغل كل حاجة علشان نحقق اغراض دنيئة شخصية .. طبعا الا من رحم الله

..

وفى الاخر واللى زاد الطينة بله

اننا عملنا دعاية للفيس بوك مجانية وزودنا رواده

وبكره يطلع جروب واتنين وتلاته وعشرة والعميلة مش هاتقف لأننا اصلا اللى بنساعد فى كده .. ويبقى اى حد عاوز يشتهر يروح شاتم فينا

ومواقف كتير حصلت وبتحصل واحنا بردو من غير تفكير نعمل زيطه وزمبليطه على الفاضى ..

زى الاخوة اللى ناشرين صورة للبنت اللى عاوزة تستعمل القران ورق تواليت

هنيئا لها .. حققت غرضها .. بقت شهرتها واسعه وصورتها فى كل مكان
ليييييييييييييييييييييه

لانها راحت تتريق على المسلمين وتشتم فيهم " والله اعلم بصحة الخبر اساسا
ماحنا ماشاء الله بنصدق اى حاجة .. عالم دماغها فاضية بقى .. "

وكعادة المسلمين

هوجة وهوليله واللى مالوش قيمة نعمله الف قميه ... وبسببنا بيكون رمز وقدوة كمان

بقينة زى الهوا .. كلمة تدوينا وكلمة تجيبنا .. لاننا اصلا مش عاملين قيمة لنفسنا

كلمة اخيرة

يا تواجهو العالم كله ... يا تنسحبو منه كله

والكلام ده لنفسى قبل ما اقولو لحد تانى

وفعلا

أمه ضحكت من جهلها الامم

ولا حول ولا قوة إلا بالله

الموضوع الأصلي : يا أمه ضحكت من " فيس بوكها " الأمم !! المصدر : شبح الالعاب

شكرا يا هيبو

الموضوع الأصلي : يا أمه ضحكت من " فيس بوكها " الأمم !! المصدر : شبح الالعاب

شكرا

الموضوع الأصلي : يا أمه ضحكت من " فيس بوكها " الأمم !! المصدر : شبح الالعاب