!! .. انت فين يا بابا .. !!

احم احم ..
مساء الخير عليكو جميعا ..

يمكن العنوان مش مفهوم شويه
و كمان التوبيكـ بتاعي هيتكلم عن حوار غريب جدا بس منتشر بدرجه كبيرهـ جدا كمان ..

انت فين يا بابا .. ؟!

الكلمه دي بتتقال ( لأبهات ) كتير جدا لعدم اهتمامهم بأبنائهم
و التوبيكـ دا انا عملته عشان مجرد اعرف سبب للموضوع دا ..

و الأمثله كتيرهـ جدا على الحوار دا .. زي مثلا ..

انت فين يا بابا لما تكون بنتكـ بتكلم شباب عـ الموبايل ..؟!
انت فين يا بابا لما يكون ابنكـ بيشرب سجايرمن وراآكـ ..؟!
انت فين يا بابا لما تكون بنتكـ بتخرج مع شباب و اكتر من كدا كمان ..؟!
انت فين يا بابا لما يكون ابنكـ معلق كل بنات الناس وبيضحكـ عليهم و مش سايب حاجه يعني ..!؟

و زي ما قولت طبعا الأمثله كتيرهـ جدا ..

هنا هقولكو إن الحاجات إلي انا قولتها دي ممكن يكون الأب فعلا مش يعرفها عن ابنائه
و نسبه قليله جدا إلي بتكون عارفه دا و مش على بالها ..
و طبعا دي انا مش هعلق عليها لأن دول بجد ربنا يهديهم ..
انا قصدي إن كل الحوارات دي مرتبطع بالتربيه اكتر من اي حاجه .. !!!

نيجي بقا لـ نقطه تانيه خاآلص ..
و هيا دي إلي انا هتكلم عنها اكتر فـ التوبيكـ ..

لما يكون الأب شابف و عارف و كمان عارف إن دا غلط فـ غلط و سايب ولادهـ يعملو كدا ..
بردو هقول امثال على كدا ..

انت فين يا بابا لما بنتكـ او أبنكـ عموما يبقا داخل فـ شباب (( الإيموز )) ..؟!
انت فين يا بابا لما تبقا بنتك او ابنكـ داخلين بقا فـ (( الساتانكـ )) .. ؟!
انت فين يا بابا لما يكون ابنكـ ملوش علاقه بالرجوله ..!؟
و طبعا دي جهاتها كتيرهـ اوي زي مثلا <<< لبس الشباب لـ السلاسل و الحلقان و تسقيطه البنطلون و الشعر الطويل .. >>>
و حاجات كتيرهـ اوي بجد ..
و على فكرهـ الحوار دا مش بس فـ المظهر لأ في شباب بيبقو كدا من جوا كمان
يلا ربنا يهدي بجد ..

نرجع لـ حوارنا ..

طب انت فين يا بابا لما تكون بنتكـ بقا مسترجله و ملهاش علاقه بالإنوثه ..!؟
و دي بقا اكتر حاجه انا بشوفها فـ المدارس إلي هنا بجد ..
يعني بتلاقي البنت قاصه شعرها و ليها مشيه معينه و كمان صوت و حوارات غريبه كدا
هنا بنسمي البنت (( بويه )) نو كومنت عـ الإسم بجد .. !!
اموت و اعرف حاسين بإيه و هما بيطلق عليهم المسمى دا !
و مش كدا و بس لأ عيب عليكـ ..
دا انتا لزام تشوف الحجه بويه و جنبها الجيرل فريند بتاعتها !!!
و على فكرهـ دا بقا عاآدي جدا يعني .. و منتشر فـ كل المدارس بكل المستويات ..
معرفش دا نقص حنان دا ولا عباره عن ايه
ههههههههه

هنا انا مش هقول غير حاجه واحدهـ بس .. (((( انت فيين يا بابا )))
هوا انت بجد مبسوط اوي بـ منظر بنتكـ او ابنكـ و هما كدا ..
بجد هنا أنا مش لاقيه اي عذر للأبهات فـ الحته دي بذات

طب إلي فـ الأول و قولنا يمكن الأب ميعرفش بلاش نظلمو ..
طب إلي قولتلو دلوقتي دا حاجه فـ المظهر قبل ما تكون فـ الباطن
طب ايه يا بابا بردو مش شايف دا .. ولا منفض ولا عاجبكـ إلي هما فيه دا
انا شخصيا معتقدش إن ممكن يكون في اب مبسوط بـ ولادهـ و هما كدا !!!
و إلا ميبقاش بستحق كلمه اب بجد ..

انا هنا بقا حابه أسألكم فـ الحوار دا و نفسي اعرف رأيكو ..!

1- ايه رأيكـ فـ الأب إلي يكون سايب ولادهـ كدا ..!؟

2- تقتعد دا ضعف منه و مش قادر يواجه ولادهـ او حتى يقولهم (( لأ )) ..!؟

3- شايف اي عذر للأب إلي بيعمل كدا ..؟!

و على فكرهـ انا كان كلامي اكترهـ على الأب اكتر كمان من كلامي على الأم
لأن الأب هوا المفروض إلي بيوجه ولادهـ اكتر شويه من الأم
ياآريت تكونو فهمتو وجهه نظري ..

و مستنيه ردكو عـ الأئسئه
و إلي مش هيرد هقول للـ بابا بتاعو
هع هع هع هع ..

يلا سلامووز يا بني آدميييين ..

الموضوع الأصلي : !! .. انت فين يا بابا .. !! المصدر : شبح الالعاب

يسلمو
بس على فكرة مفيش اب يسيب بنتة
ومهما كان متقاضي عنها لابد ان تحترم غيابة
وثقتة

الموضوع الأصلي : !! .. انت فين يا بابا .. !! المصدر : شبح الالعاب

والله مش عارفة فى ابهااات كده فعلاااا
بس بيتهيقلى بيكونوا خايفين او مبرشمين ههههههههههه لانى مش اتخيل اب يعرف كده ويسكت
اما الحجة بويه دى انا اول مرة اسمع عن الاسم ده اصلااا
لكن كاان فى واحدة معاياا ف المدرسة ليها المواصفاات دى اللى انتى بتكلمى عليهااا بس بدون (جيرل فريند ههههههه)
وربنا يهدى الجميع

الموضوع الأصلي : !! .. انت فين يا بابا .. !! المصدر : شبح الالعاب